Let's Go and Walk to Our Brighten Future.

မုံပီး၊ သဲသဲ
သောကြာနေ့၊ စက်တင်ဘာလ 19 2008 17:03 - မြန်မာစံတော်ချိန်

နယူးဒေလီ။ ။ နာမကျန်းဖြစ်နေသော ကလေးအရေအတွက်များ တိုးပွားလာနေစဉ်မှာပင် တရုတ်နိုင်ငံခြားရေး ၀န်ကြီးဌာနက ရောဂါ ဖြစ်စေနိုင်သော နို့မှုန့်များကို မြန်မာနိုင်ငံ အပါအ၀င် ဖွံ့ဖြိုးဆဲ ၅ နိုင်ငံသို့ ထိုနို့မှုန့် ထုတ်လုပ်သော ကုမ္ပဏီမှ တင်ပို့ ရောင်းချခဲ့သည်ဟု ကြာသပတေးနေ့တွင် ၀န်ခံ ပြောကြားလိုက်သည်။

ကြာသပတေးနေ့က ပြုလုပ်သော သတင်းစာ ရှင်းလင်းပွဲတွင် တရုတ် နိုင်ငံခြားရေးဌာန ပြောရေးဆိုခွင့် ရှိသူ "ဇိယန်ယု" က တရုတ်ကုမ္ပဏီ ၂ ခုမှ ထုတ်လုပ်သော ဘေးဖြစ်စေနိုင်သည်ဟု စစ်ဆေး တွေ့ရှိခဲ့သည့် နို့မှုန့် များကို ယီမင်၊ ဘင်္ဂလားဒေ့ရှ်၊ မြန်မာ၊ ဂါဗွန်းနှင့် ဘူရွန်ဒီနိုင်ငံမျာသို့ တင်သွင်းခဲ့ကြသည်ဟု ပြောကြားခဲ့သည်။

ထိုနို့မှုန့်များကြောင့် တရုတ်နိုင်ငံတွင် ကလေးပေါင်း ၆၂၀၀ ကျော် ဖျားနာနေရပြီး တတိယမြောက် ကလေးတဦးပင် သေဆုံးသွားရပြီ ဖြစ်သည့်တိုင် ထိုပြောရေးဆိုခွင့် ရှိသူက အထက်ပါ နို့မှုန့်တင်သွင်းခဲ့သော နိုင်ငံများတွင် ယခုအချိန်အထိ မည်သည့် ပြဿနာ တစ်စုံတစ်ရာမျှ မရှိသေးပါဟု ပြောကြားခဲ့ပါသည်။

ဆယ်စုနှစ်လေးခုမျှ စစ်တပ်၏ အုပ်ချုပ်မှုကို ခံနေရသော မြန်မာနိုင်ငံမှ အစိုးရသတင်းစာများကမူ စားသုံးသူများကို အိမ်နီးချင်း တရုတ်နိုင်ငံမှ ထိုနို့မှုန့်များကို ရှောင်ကျဉ်ရန် ယခုထိ လုံးဝ သတိပေးကြေညာခြင်း မရှိသေးပေ။ သို့သော် ဝေဖန် သုံးသပ်သူများက မြန်မာပြည် အစားအစာ ဈေးကွက်အတွင်းသို့ ထိုအန္တရာယ်ရှိသော နို့မှုန့်များ ၀င်ရောက်နေခဲ့ပြီဟု ယုံကြည်ကြသည်။

ပျားပန်းခတ်မျှ နယ်ခြားကုန်သွယ်မှုများ တည်ရှိနေသည့် ၀င်လမ်းထွက်လမ်း များပြားလှသော တရုတ်ပြည်နှင့် ထိနေသည့် မြန်မာနယ်စပ် တလျှောက်၏ အခြေအနေအရဆိုလျှင် ဘေးဖြစ် စေတတ်သော နို့မှုန့်များသည် မြန်မာနိုင်ငံတွင်းသို့ ၀င်ရောက်လာနိုင်ရန် အခွင့်အလမ်းများလှသည်ဟု လေ့လာသူများက သုံးသပ်ပြောကြားသည်။

New Zealand, နယူးဇီလန်ရှိ Pep တံဆိပ် နို့မှုန့်ထုတ်လုပ်သော Red Horse စက်မှုအုပ်စုမှ ကုမ္ပဏီ မန်နေဂျာက တရုတ်နိုင်ငံထုတ် နို့မှုန့်အများစုဟာ တခြားနို့မှုန့်တွေနဲ့ နှိုင်းယှဉ်ရင် ဈေးသက်သာတဲ့အတွက် မြန်မာနိုင်ငံသား အများစု အဓိကထား သုံးစွဲကြပါတယ်ဟု ပြောသည်။

ရန်ကုန်မှ ထို Red Horse စက်မှုအုပ်စု၏ တံဆိပ် သုတေသန မန်နေဂျာ ကိုထွန်းထွန်းက မည်သည့် တရုတ်နိုင်ငံထုတ် နို့မှုန့်က ကလေးငယ်များကို နာမကျန်း ဖြစ်စေသည်ဟု အတိအကျ မသိခင်ကတည်းကလည်း မြန်မာနိုင်ငံသားများ သုံးစွဲနေကြသော တရုတ်နို့မှုန့်များမှာ ငယ်ရွယ်သော ကလေးများအား အနည်းနှင့် အများ အန္တရာယ် ဖြစ်စေနိုင်သည်ဟု ပြောသည်။

"၆ လအထိ ဒါမှမဟုတ် တနှစ်သားလောက်ထိ ကလေးငယ်များကို မိဘတွေက နို့မှုန့်တံဆိပ် တမျိုးတည်းကိုပဲ တိတိကျကျ တိုက်ကျွေးသင့်ပါတယ်။ ကြုံသလို အမျိုးမျိုးပြောင်း တိုက်ကျွေးမယ် ဆိုရင်တော့ အစာ မကြေတဲ့ ပြဿနာကြောင့် အဲဒီ့ကလေးတွေမှာ အစာအိမ်ရောဂါတွေ ဖြစ်လာနိုင်ပါတယ်"ဟု ကိုထွန်းထွန်းက ဆက်လက်ရှင်းပြသည်။

တချိန်ထဲမှာပင် တရုတ်အစိုးရက နို့မှုန့် ထုတ်ကုန်များတွင် ဓာတုမယ်လမင်းဓာတ် တွေ့ရှိသည်ဟု စစ်ဆေးတွေ့ရှိရသော နို့ထွက်ပစ္စည်းကုမ္ပဏီ အနည်းဆုံး ၂၂ ခုကို တပြိုင်နက်ပိတ်သိမ်းရန် အမိန့်ပေးရမည့် ကိစ္စမှာလည်း ကိုင်တွယ်ရ ခက်ခဲသည့် ကိစ္စတခု ဖြစ်နေသည်ဟု ဆိုသည်။

ရိုက်တာသတင်းဌာန၏ သတင်းပို့ချက်အရ ဘင်္ဂလားဒေ့ရှ် နိုင်ငံရှိ စံညွှန်းနှင့် စမ်းသပ်မှုသိပ္ပံက တရုတ်နိုင်ငံမှ တင်သွင်းလာသော ထိုနို့မှုန့် နမူနာ အနည်းငယ်ကို ယူ၍ စစ်ဆေးနိုင်ရန်အတွက် စမ်းသပ်ခန်းသို့ ပို့လိုက်ပြီ ဖြစ်သည်။ "ကျနော် အရမ်း စိုးရိမ်နေကြတယ်။ (တင်သွင်းလာသော ဘေးဖြစ်စေသည့် နို့မှုန့်များနှင့် ပတ်သက်၍)။ ဒီကိစ္စကို တကယ့်ကို လေးလေးနက်နက်ကိုင်တွယ်မှ ဖြစ်မယ်"ဟု ထိုသိပ္ပံကျောင်း၏ ညွှန်ကြားရေးမှူး "လု(တ) ဖော်ရာမန်" ၏ စကားကို ရိုက်တာမှ ကိုးကားဖော်ပြသည်။

အလားတူပင် တောင်ကိုရီးယားနိုင်ငံ အစားအစာနှင့် ဆေးဝါး ကြီးကြပ်ရေးအဖွဲ့မှလည်း တရုတ်နိုင်ငံထုတ် နို့မှုန့်များနှင့် အသုံးပြုထားသည့် ပစ္စည်းများကို စစ်ဆေးနေပြီဖြစ်ပြီး နောက်အပတ်ထဲတွင် အဖြေထွက် မည်ဟု မျှော်လင့်ရသည်။

သို့သော် မြန်မာနိုင်ငံရှိ ကျန်းမာရေး ၀န်ကြီးဌာန အောက်မှ အစားအစာနှင့် ဆေးဝါး ကြီးကြပ်ရေးအဖွဲ့ (FDA) ကို မဇ္ဈိမမှ ဆက်သွယ်မေးမြန်းရာ တရုတ်မှ တင်သွင်းလာသည့် အန္တရာယ်ရှိသော နို့မှုန့်ကို စစ်ဆေးမှုနှင့် ၄င်းနှင့်ပတ်သက်၍ သတင်းထုတ်ပြန်မှုတို့ကို မရရှိခဲ့ပေ။

အရာရှိများက သတင်းအချက်အလက် မပေးနိုင်ခဲ့ပဲ ခွင့်ယူထားသည်ဟုသာ ပြောဆိုနေ၍ ရန်ကုန် FDA ရုံးမှ အချက်အလက် ထည့်သွင်း ကြီးကြပ်ရသူ အမျိုးသမီးကလည်း မဇ္ဈိမကို ထိုကိစ္စနှင့် ပတ်သက်၍ သူ ဘာမှမသိပါဟု ပြောသည်။

ထိုတချိန်တည်းမှာပင် တရုတ်နို့မှုန့်များ ရောင်းချသူ အမျိုးသမီးတဦးကလည်း စားသုံးသူများသည် တရုတ် နို့မှုန့်များကိုပင် ၀ယ်ယူနေဆဲ ဖြစ်ပြီး တရုတ်နို့မှုန့် ရောင်းချမှုမှာ သိသာစွာ ကျဆင်းသွားခြင်း မရှိသေးဟု မဇ္ဈိမအား ပြောပြ၏။

ဝေဖန် သုံးသပ်သူများကမူ မြန်မာနိုင်ငံသား အများစုသည် အိမ်နီးချင်း တရုတ်နိုင်ငံမှ အန္တရာယ်ဖြစ်စေသော နို့မှုန့်နှင့် ပတ်သက်၍ ဖြစ်ပွားနေဆဲ သတင်းဆိုးများနှင့် ပတ်သက်၍ သော်လည်းကောင်း၊ ထိုနို့မှုန့် စားသုံး ခြင်းမှရရှိသည့် ဆိုးဝါးသော အကျိုးဆက်များကို သော်လည်းကောင်း ကောင်းစွာ မသိရှိကြသေးဟု ယုံကြည်နေကြသည်။
http://www.mizzimaburmese.com/news/regional/1707-2008-09-19-10-49-53.html