Wednesday, December 17, 2008

အမျိုးသားဒီမိုကရေစီအဖွဲ့ချုပ်ရုံးတွင် ဟောပြောဆွေးနွေးပွဲ ကျင်းပပြုလုပ်



၂၀၀၈ ခုနှစ် ဒီဇင်ဘာလ(၁၆) ရက်နေ့တွင် ရန်ကုန်မြို့ ဗဟန်းမြို့နယ် အုတ်လမ်းရှိ အမျိုးသားဒီမိုကရေစီအဖွဲ့ ချုပ် ဗဟိုဌာနချုပ်ရုံးတွင် ဟောပြောပွဲတရပ် ကျင်းပပြုလုပ်ခဲ့ကြောင်း သတင်းရရှိသည်။ အဆိုပါဟောပြောပွဲ တွင် အဖွဲ့ချုပ်လူငယ်များ၏ တောင်းဆိုတိုက်တွန်းချက်အရ လက်ရှိအဖွဲ့ချုပ်ခေါင်းဆောင် ဦးဝင်းတင်မှ ဟော ပြောခဲ့သည်။

''လူငယ်နှင့်အနာဂတ်'' ဆိုသော ဟောပြောပွဲခေါင်းစဉ်ကို လူငယ်များမှပင် ရွေးချယ်ခဲ့ကြခြင်းဖြစ်ပြီး ဟောပြော ပွဲအပြီး လူငယ်များမှ မေးခွန်းများ ပြန်လည်မေးမြန်းခဲ့ကြကြောင်း သိရှိရသည်။ ယနေ့ဟောပြောပွဲသို့ ရန်ကုန် တိုင်းမြို့နယ်ပေါင်းစုံမှ စိတ်ပါဝင်စားသူ လူငယ်ပေါင်း ၃၀၀ ၀န်းးကျင်ခန့် တက်ရောက်ခဲ့ကြပြီး အဖွဲ့ချုပ်ခေါင်း ဆောင်များလည်း တက်ရောက်သည်ကို တွေ့ရသည်။

ထိုကဲ့သို့ ဟောပြောပွဲများ ကျင်းပခြင်းသည် အဖွဲ့ချုပ် မျိုိးဆက်သစ်လူငယ်များအတွက် လွန်စွာတန်ဖိုးရှိသည့် အတွေ့အကြုံများကို ဖြစ်ပေါ်စေပြီး အနာဂတ်နိုင်ငံတော် တည်ဆောက်ရေးအတွက် လွန်စွာအားတက်မိ ကြောင်း၊ နောင် အဆင်ပြေသော နေ့ရက်များတွင် ထိုကဲ့သို့ ဟောပြောပွဲများကို ဆက်လက်ပြုလုပ်နိုင်ရန် စီစဉ် ဆောင်ရွက်မည်ဖြစ်ကြောင်း အဖွဲ့ချုပ်လူငယ်တဦးမှ ပြောကြားခဲ့သည်။
DVB ဘလော့မှ ကူးယူဖော်ပြသည်

No comments:

 
/* EOT ----------------------------------------- */